Болгар укытучылары Әлмәттә Бөтенроссия педагогик кейс-чемпионатында катнаша

Әлмәттә «Татнефть» компаниясенең белем бирү үзәге – Югары нефть мәктәбе базасында Беренче Бөтенроссия педагогик кейс-чемпионаты башланды. Чара илнең төрле төбәкләреннән укытучыларны һәм педагогик белгечлек студентларын берләштерде.

Чемпионатта Спас районын Болгарның икенче мәктәбе педагоглары Гөлшат Гыйматдинова һәм Валентина Олейничук тәкъдим итә. Биш көн дәвамында катнашучыларга заманча мәктәпнең реаль бурычларын өч юнәлештә хәл итү өстендә эшләргә туры киләчәк: «Укытучы», «Педагог» һәм «Гаилә».

Чемпионат «Татнефть» компаниясе һәм Татарстан Республикасы Мәгариф һәм фән министрлыгы ярдәмендә оештырылган. Быел анда Россиянең 18 төбәгеннән 160тан артык педагог катнаша. Программада – лекцияләр, осталык дәресләре, бизнес-симуляцияләр һәм экспертлар алдында проектлар яклау.

Чемпионат нәтиҗәләре буенча иң яхшы катнашучылар призлар, белем бирү инициативаларын гамәлгә ашыру өчен грантлар һәм Әлмәт мәктәпләрендә эшкә чакырулар алачак.