ТР мөселманнары Диния нәзарәте корылтаенда делегатлар Сәмигуллин өчен тавыш бирде.
«Казан-Экспо» үзәгендә узган ТР мөселманнары Диния нәзарәте корылтаенда делегатлар Камил хәзрәт Сәмигуллинны дүрт елга яңадан мөфти итеп сайлады. Бу хакта Татар-информ агентлыгы хәбәр итә.
Камил хәзрәткә 36 яшь. Ул — Коръән-хафиз, күпсанлы иҗазәтләр иясе, Хәнәфи мәзһәбе һәм Матуриди гакыйдәсе галиме, татар, иске татар, гарәп, төрек телләрен белә, Болгар ислам академиясе докторанты, КФУ аспиранты, ислам фәннәре буенча китаплар авторы һәм тәрҗемәчесе. Өйләнгән, 4 бала атасы.
«Шушы вазифаны Аллаһ Тәгалә разый булырлык итеп башкарырга язсын», — дип теләде Татарстанның баш казые Җәлил хәзрәт Фазлыев Камил хәзрәт Сәмигуллинга.
Нет комментариев