Спас районы җитәкчеләре яшьләр белән очраштылар

Кичә Спас районы администрациясе вәкилләре – район башлыгы Фәргат Мөхәммәтов, район башкарма комитеты җитәкчесенең социаль мәсьәләләр буенча урынбасары Евгений Савинов, район яшьләр эше, спорт һәм туризм бүлеге җитәкчесе Әхтәм Вәлиәхмәтов район Яшьләр парламенты вәкилләре белән очраштылар.

Әңгәмә барышында яшьләр районны төзекләндерү, ялны оештыру, яшьләрне эшкә урнаштыру, яшь белгечләргә ярдәм чаралары турында сорауларын бирделәр.

Очрашу барышында парламент вәкилләре шәһәр предприятиеләре, оешмалары һәм учреждениеләрендә эшләүче, Спас тамак технологияләре техникумында укучы, шәһәр берләшмәләре составына керүче яшьләрдән хезмәт отрядлары оештыру турында тәкъдим керттеләр.

ФОТО