Картинг буенча җыелма команда тупланды

автор, 23 май 2014 - 06:04

521

Шәһәрдәге урта һәм кадетлар мәктәп-интернатының җиде укучысы картинг буенча районның җыелма командасы составына кертелде. Аларга район данын яклап республика күләмендәге бәйгеләрдә катнашырга туры киләчәк. Сайлап алу ярышларында сигез яшьтән алып уналты яшькә кадәрле илледән артык укучы катнашкан. Аларның барысы да "Регата" балалар техник иҗат станциясе каршындагы "Картинг" спорт берләшмәсенә йөри.Ярышлар...

Шәһәрдәге урта һәм кадетлар мәктәп-интернатының җиде укучысы картинг буенча районның җыелма командасы составына кертелде.

Аларга район данын яклап республика күләмендәге бәйгеләрдә катнашырга туры киләчәк.

Сайлап алу ярышларында сигез яшьтән алып уналты яшькә кадәрле илледән артык укучы катнашкан. Аларның барысы да "Регата" балалар техник иҗат станциясе каршындагы "Картинг" спорт берләшмәсенә йөри.Ярышлар барышында укучыларга туры трек, "елан", маневрлы борылышлар аша үтәргә туры килде. Зуррак яшьтәгеләр арасында иң күп балларны Никита Избранов белән Денис Клыков туплады. Икенче урында - Мансур Хәмидуллин. Өченче урынга Анатолий Бирюндеев чыкты. Кечерәк яшьтәгеләр арасында Артем Афиногенов, Евгений апарин белән Эдуард Шакиров җиңүче булдылар.