Иҗатның чикләре юк

автор, 14 февраль 2014 - 04:34

679

Балалар иҗатының "Яшел җилкәннәр белән - киләчәккә" район экологик конкурсына йомгак ясалды. Конкурсны үзәк китапханә үткәрде. "Табигать һәм фантазияләр" номинациясендә (табигый материаллардан ясалган әйберләр) Красная Слободаның "Колобок" балалар бакчасы әзерләгән күмәк эш беренче урынга лаек булды. "Экологик этюд" номинациясендә Полянка, Никольск һәм Ким мәктәпләре укучылары Радмила Холмирзоева, Анна Федорова, Александр...

Балалар иҗатының "Яшел җилкәннәр белән - киләчәккә" район экологик конкурсына йомгак ясалды. Конкурсны үзәк китапханә үткәрде.

"Табигать һәм фантазияләр" номинациясендә (табигый материаллардан ясалган әйберләр) Красная Слободаның "Колобок" балалар бакчасы әзерләгән күмәк эш беренче урынга лаек булды. "Экологик этюд" номинациясендә Полянка, Никольск һәм Ким мәктәпләре укучылары Радмила Холмирзоева, Анна Федорова, Александр Скопинның эшләре югары бәяләнде. "Табигатьнең кадерен белик" номинациясендә (шигырьләр) Урта Йорткүл һәм Никольск мәктәбе укучылары Алинә Гәрәева белән Алсинә Гыйльметдинова җиңде. Ә менә "Экологик әкият" номинациясендә беренче һәм икенче урын беркемгә дә бирелмәде. Шулай да Иске Рәҗәп мәктәбе укучысы Рузилә Габделбәрованың эше барысыныкыннан да уңышлырак дип табылды.

Конкурсны оештыручылар билгеләп үтүенчә, укучылар мондый чараларда һәрвакыт актив, зур кызыксыну белән катнашалар. Җиңүчеләр һәм призерларга бүләкләр тапшырылды.