Хезмәттәшлек кысаларында

Конкурс социаль тармак учреждениеләре арасында, безнең район белән хезмәттәшлек турында килешү төзегән Ульяновск өлкәсе Мәләкәс районының Рязаново авыл хуҗалыгы техникумы базасында үтте. Шул ук элемтәләр нигезендә мәгариф бүлеге җитәкчесе Людмила Рыбакова һәм белгеч Әлфирә Игъламова безнең белән хезмәттәшлек иткән районның өлкән класс укучылары слетында катнаштылар. Район башлыгы Владимир Тигин мәдәният, мәгариф, спорт һәм эшчәнлекнең башка тармакларында һәрьяклап ярдәм күрсәтүләре һәм күрше районнарда яшәүче халыкларның дуслыгын ныгытуга өлеш кертүләре өчен безнең район җитәкчеләренә рәхмәт белдерде.