Болгарда шимбә өмәсе срогы билгеләнде

Спас район администрациясендә бүген узган традицион дүшәмбе киңәшмәсендә Болгар шәһәре башкарма комитеты җитәкчесе Алевтина Костина җитәкчеләргә шәһәрдә урамнарны җыештыру башланды икәнлеген искәртте.

Хәзерге вакытта инде берничә урам тәртипкә китерелгән.

«22 апрельдә Болгарда шәһәр өмәсе узачак. Эшмәкәрләрне кибет янннарын тәртипкә китерергә кирәклеге турында кисәтәм.  Аларны карап чыктык, күбесенең тирә-ягы тәртиптә түгел», – дип билгеләп үтте Алевтина Владимировна.

Шулай ук башкарма комитет җитәкчесе урамнарны җыештыру эшенә актив кушылган предпритяие һәм оешма җитәкчеләренә рәхмәтен белдерде.

Район башлыгы Фәргат Мөхәммәтов та бу идеяны хуплады һәм карарны тиешенчә үтәмәгән эшмәкәрләргә кисәтүләр җибәреләчәген исәкртте.