Авыруларны булдырмас өчен

автор, 23 сентябрь 2011 - 06:55

968

Хәзерге вакытта район ветеринария берләшмәсе хезмәткәрләре шәхси ярдәмче хуҗалыкларның мөгезле эре терлекләрендә лейкоз һәм бруцеллёз авыруларын тикшерәләр.

Районның күпчелек авылларында терлекләрдән анализ өчен кан алынды инде. Колхоз зонасында бу эш бетте дияргә була. Монда участок ветеринария табибы Гомәр Галимовның тырышлыгы зур булды. Көек һәм Гусиха һәм башка авылларда да бу куркыныч авыруларны табу буенча эш оешкан төстә бара. Бер үк вакытта хуҗалар үтенече буенча ветеринария хезмәткәрләре себер язвасы һәм котыру авыруларына каршы прививка ясыйлар.