Яңа тормыш

Спас районы

18+
Рус Тат
2024 - год Семьи
Мәдәният

Болгарда атналык «Яңарыш: эпос заманча укуда» фестивале башланды

Шәһәргә күпсанлы кунаклар җыелды.

Болгарда атналык «Яңарыш: эпос заманча укуда» фестивале башланып китте. Фестивальне ачу тантанасында Татарстан Республикасы Дәүләт киңәшчесе, ЮНЕСКОның мәдәниятара диалог буенча илчесе Минтимер Шәймиев сәламләү сүзе белән чыгыш ясады.

"ЮНЕСКО линиясе буенча ике юнәлеш бар — матди һәм матди булмаган мирас. 10-15 ел элек матди мәдәни мирасны үзләштерү уңышлы башланып китте. Ә бүген без яңа этап — мәдәни мирасны торгызуны башлап җибәрәбез. Һәрбер халыкның тарихы бик тирән, һәм аны белергә, үсеп килүче буынга җиткерергә кирәк. Фестиваль ул зур вакыйга, һәм ул юкка гына матди мирас объектында, Болгарның изге җирендә узмый», - диде Минтимер Шәрипович үзенең сәламләү сүзендә. 

Тамашачылар игътибарына Татарстан Республикасы Дәүләт камера хоры катнашында Татарстан Республикасы сәнгать осталары концерты тәкъдим ителде.
Кичнең кульминациясе булып Карелия милли театрының «Калевала» шигъри эпосы буенча «Куллерво» драмасы күрсәтелде.

Фестиваль турында тулырак безнең газетаның 2023 елның 21 июлендәге санында укыгыз. Газетага язылмаучылар Болгарның яңа санны азык-төлек кибетләреннән сатып ала алачак: "Кузьмич" (Рабочий урамы), "Вера" ( Ленин урамы) һәм "Теремок" (Дзержинский урамы). Шулай ук яңа санны газета редакциясендә сатып алырга мөмкин. Адресы: Болгар шәһәре, Хирург Шеронов урамы, 23а.

Реклама

Фоторепортаж
 

Следите за самым важным и интересным в Telegram-каналеТатмедиа

Безнең социаль челтәрләр:

ВКонтакте  Одноклассники  Telegram

Реклама бүлеге телефоны 8(843)47-30-0-02.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев