Яңа тормыш
  • Рус Тат
  • Республика беренчелегендә призер булдылар

    Балалар сәламәтләндерү-белем бирү үзәгенең өстәмә белем бирү педагогы Ринат Шәрипов шәкертләре Казандагы Суворов училищесында 14 – 17 яшьлек спортчылар арасында армия кул көрәше буенча узган Татарстан беренчелегеннән ике көмеш һәм бер бронза медаль алып кайттылар.

    Ярышларда Татарстан Республикасы һәм Киров өлкәсе шәһәрләрендәге төрле клублардан 154 спортчы катнашты. Безнең районнан 9 көрәшче барды. Бәйге киеренке шартларда үтте. Безнең спортчылар арасыннан аеруча Андрей Феоктистов уңышлы чыгыш ясады. Ул, мәсәлән, 80 килограммнан авыррак үлчәүдә (16 – 17 яшьлек спортчылар) финалда Яр Чаллыдан килгән көчле көндәшенә бары тик өч очкога гына оттырды һәм икенче урынны алды. Данил Нигъманов та 14 – 15 яшьлекләр арасында берничә көндәшен бирелергә мәҗбүр итте һәм мактаулы икенче урынга лаек булды. Богдан Пименов 50 килограммлы авырлыкта чыгыш ясап, бронза медальле булды. Виктор Волков белән Айрат Миңнегулов дүртенче урынга чыкты.
    Әлеге ярышларда уңышлы чыгыш ясаган спортчылар язын Краснодар шәһәрендә узачак Россия беренчелегендә катнашырга тиеш.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: