Яңа тормыш
  • Рус Тат
  • Никитага тиңнәр булмады

    Яр Чаллы шәһәрендә "КамАЗ" акционерлык җәмгыяте призына дзюдо буенча уздырылган Бөтенроссия ярышларында Никита Борюшкин әйбәт нәтиҗәгә иреште. Владимир Борюшкин шәкерте зур өстенлек белән үзенең бөтен көндәшләрен җиңде, 90 килограммнан артык үлчәү авырлыгында аңа тиңнәр булмады. Финалга чыкканда ул Уфа, Пермь һәм Татарстаннан килгән көндәшләренең барысын да ышанычлы җиңде. Хәлиткеч очрашуда...

    Яр Чаллы шәһәрендә "КамАЗ" акционерлык җәмгыяте призына дзюдо буенча уздырылган Бөтенроссия ярышларында Никита Борюшкин әйбәт нәтиҗәгә иреште.
    Владимир Борюшкин шәкерте зур өстенлек белән үзенең бөтен көндәшләрен җиңде, 90 килограммнан артык үлчәү авырлыгында аңа тиңнәр булмады. Финалга чыкканда ул Уфа, Пермь һәм Татарстаннан килгән көндәшләренең барысын да ышанычлы җиңде. Хәлиткеч очрашуда Ижевск шәһәреннән Идел буе федераль округы чемпионы, 156 килограммлы Григорий Ерохинны тиз арада бирелергә мәҗбүр итте.
    Никитаның үз авырлыгы 94 килограмм булуын исәпкә алганда, моны зур уңыш, дип санарга була.
    Н.Борюшкинга медаль, диплом һәм кыйммәтле бүләк тапшырдылар. Аның чыгышына "КамАЗ" җәмгыяте генераль директоры Сергей Когогин һәм республиканың дзюдо Федерациясе президенты Фаяз Шабаев зур бәя бирделәр. Октябрь ае ахырында Никитаны тагын да җаваплырак ярышлар - Самара өлкәсенең Отрадный шәһәрендә самбо буенча үтәчәк Россия беренчелеге көтә. Биредә иң яхшы нәтиҗәләргә ирешкән спортчылар дөнья һәм Европа чемпионатында катнашу өчен сайлап алыначак.

    Иң мөһим һәм кызыклы язмаларны Татмедиа Telegram-каналында укыгыз


    Теги: дзюдо
    Нравится
    Поделиться:
    Реклама
    Комментарии (0)
    Осталось символов: