Спас районында браконьерны тоткарлаганнар

Республиканың биоресурслар буенча дәүләт комитетының Спас бүлеге хезмәткәрләре үткәрә торган «Уылдык чәчү» операциясе кысаларында браконьер тоткарланган.

Хокук бозучыны Кама һәм Актай елгалары тамагында Коминтерн авылы тирәсендә тотканнар. Браконьерда ятьмә һәм махсус балык тоту костюмы табылган.

Дәүләт комитеты хезмәткәрләре полиция нарядын чакырып, балыклар уылдык чәчкән чорда законсыз рәвештә балык тоту белән шөгыльләнүчегә карата беркетмә төзиләр.

Хәзер хокук бозучыга карата биоресурсларны законсыз тоткан өчен җинаять эше кузгату мәсьәләсе хәл ителә.