Яңа уңыш ашлыгы килә башлады

Арыш һәм бодай төялгән беренче машиналар монда ике атна элек килә башлады, ашлыкны кабул итү һәм эшкәртү белән бернинди проблемалар тумады. Предприятиедәге биналарның һәм җиһазларның күп өлеше нык тузса да, аларга ел саен ремонт үткәрелә. Территорияне тәртиптә тотуга да зур игътибар бирелә: бөтен җиргә асфальт җәелгән, коймалар ясалган, үләннәр чабылган.

Быел склад биналарын хәзерләүгә аеруча зур игътибар бирелде. Ун бинаның өчесендә түбәләргә капиталь ремонт ясалды, ике складка төзүчеләр тырышлыгы белән цинкланган калай ябылды, тагын бер бинаның түбәсен Андрей Лукашин җитәкчелек иткән бригада шифер белән япты. Бригада составында шулай ук Вячеслав белән Евгений Карьковлар һәм Илья Калуковлар зур тырышлык күрсәттеләр. Складларның берсендә бәпкәләр тулысынча алыштырылды.

Бу бригада эшчеләре һәм Алексей Крайнов биналарны чүп-чардан чистарттылар. Мастер Ирина Сусликова җитәкчелегендә бу эштә Валентина Тянникова һәм Наталья Сальникова да катнашты. Моннан тыш, Алексеевскидан килгән КамАЗ-миксерлар ярдәмендә эшчеләр кирәк урыннарда идәннәргә бетон салдылар. Барлык складларда безнең һәм Чистай белгечләре газация үткәрде. Түбәләре цинкланган калай белән ябылган ике бина да тиешле тәртипкә китерелгән, анда бодай уңышы сакланачак.

Киптерү-чистарту башняларын да ныклап хәзерләделәр. Аларның беренчесендә мөдир Андрей Мартынов җитәкчелегендә Алексей Донцов, Илдар Мөхәммәтов һәм Владимир Гунин бөтен урыннарны чистартып, язгы сулар агызып киткән канауны бетонладылар. Андрей Копцев, Анатолий Мынов һәм Наил Шаһисламов эшләгән тагын бер башняда тиешле эшләр башкарылган. Андрей Копцев җитәкчелегендәге газ хуҗалыгы да тулы тәртиптә. Ә Юрий Черкасов белән Сергей Норов электр хуҗалыгын тәртипкә китерү өчен күп көч куйдылар.

Предприятиенең үлчәүләре дә тәртиптә булуын Чистай белгечләре раслады. Ашлык агымын контрольдә тоту өчен компьютерлар куелды һәм хәзер килгән һәм җибәрелгән машиналар санын монитор артында утырып та билгеләп була.

- Җәй көне предприятиедә киеренке эш бара, - диде предприятие җитәкчесе Евгений Лукашин. - Бездә бернинди проблемалар килеп туарга тиеш түгел, чөнки ашлыкны сыйфатлы эшкәртү һәм саклау өчен барлык шартлар тудырылган.

Рәсемнәрдә: А. Лукашин бригадасы; Ю. Черкасов; лаборант Эльмира Галиуллина.