Балачак дөньясы – бәхет һәм шатлык иле

автор, 5 июнь 2013 - 04:53

599

Мәдәният йорты, Балалар иҗат йорты һәм белем бирү -сәламәтләндерү үзәге хезмәткәрләре шимбә көнне балалар өчен чын бәйрәм оештырдылар. Бәйрәм балаларны һәм өлкәннәрне берләштерде. Башта барысы да Мәдәният йортында җыелып, программасына җырлар, биюләр, шигырьләр, акробатик этюдлар кергән зур концерт карадылар. Һәр чыгышны тамашачылар кайнар алкышларга күмде. Район башлыгы Камил Нугаев, мәгълүмат-методика...

Мәдәният йорты, Балалар иҗат йорты һәм белем бирү -сәламәтләндерү үзәге хезмәткәрләре шимбә көнне балалар өчен чын бәйрәм оештырдылар.

Бәйрәм балаларны һәм өлкәннәрне берләштерде. Башта барысы да Мәдәният йортында җыелып, программасына җырлар, биюләр, шигырьләр, акробатик этюдлар кергән зур концерт карадылар. Һәр чыгышны тамашачылар кайнар алкышларга күмде.

Район башлыгы Камил Нугаев, мәгълүмат-методика үзәге директоры Наталья Журавлева яшь гражданнарны Балалар көне белән ихлас котладылар һәм тынычлык, бәхетле балачак теләделәр.

Аннары асфальтта рәсем ясау һәм "Имин җәй" конкурслары, спорт ярышлары башланып китте. Яшьләр эше, спорт һәм туризм бүлеге тарафыннан тапшырылган бүләкләр балаларның кәефен тагын да күтәрде.

Бәйрәм кинотеатрда яраткан мультфильмнарны карау белән тәмамланды.