Сингапур поекты буенча

Инде хәбәр ителгәнчә, Татарстан Республикасы Мәгариф һәм фән министрлыгы белән EDUCARE Сингапур компаниясенең бердәм проекты белем бирү сыйфатын яхшырту максатында гамәлгә кертелгән. Укытучылар Галина Здобнова, Наталья Теймурова, Марина Курзаева һәм Татьяна Козлова Сингапур укыту методикасы буенча математика, рус һәм инглиз телләре, табигать белеме буенча ачык дәресләр үткәрделәр. Сингапур компаниясе вәкиле Ван Чин, мәгълүмат-методика үзәге тренер-методистлары Наталья Брыкалова һәм Гөлназ Ходжиева үткәргән анализда дәресләр югары дәрәҗәдә үтсә дә, бу юнәлештә күп нәрсәләр эшләргә кирәклеге билгеләнде. Китапта калдырган язмада Ван Чин мәктәпнең тырыш коллективының проектта каралган мәсьәләләрне башкарып чыгарга сәләтле булуын әйткән һәм бу юнәлештә уңышлар теләгән.