Балалар оешмасы юбилеена

Аның составына укучылар Алинә Сафина белән Екатерина Корчагина (1нче мәктәп), Арина Баринова (2нче мәктәп), Балалар иҗат йорты бүлеге җитәкчесе Зөлфия Тихонова керде. Җыенда пионерлар оешмасына 90 ел тулуны бәйрәм итүгә хәзерләнүгә кагылган мәсьәләләр тикшерелде (бәйрәм агымдагы елның 19 маенда билгеләп үтеләчәк). Бу бәйрәм элеккеге вожатый, укытучылар һәм бүгенге көндә балалар оешмаларында эшләгән кешеләр өчен генә түгел, балачагы пионер сафында үткән һәркем өчен зур әһәмияткә ия. Юбилейга хәзерлек нәкъ шуны исәпкә алып үткәрелә. Район мәктәпләрендә төрле еллардагы балалар хәрәкәте ветераннары катнашында җыеннар үткәреләчәк, пионерлар тарихы турында сөйләүче күргәзмәләр, башка чаралар оештырылачак.

Безнең делегация вәкилләре республика җыенына "Пионериянең данлы эшләр тарихы" дигән күргәзмә һәм шул ук темага видеоролик хәзер-ләде.