Укучылар җиңү яулады

автор, 16 декабрь 2011 - 04:08

778

Никольск урта мәктәбе командасы "Космос-star, стартка!" беренче ачык республика интеллектуаль уенында җиңеп чыкты. Аның составына 8 - 11 класс укучылары Егор Абалымов, Дарья Егорова, Анна Колесова, Светлана Владимирова, Надежда Ляплина һәм Игорь Синицин керде. Читтән торып үткәрелгән турны уңышлы үтеп чыкканнан соң, аларны Зәй балалар иҗат йортында үткәрелгән турга чакырдылар....

Никольск урта мәктәбе командасы "Космос-star, стартка!" беренче ачык республика интеллектуаль уенында җиңеп чыкты.

Аның составына 8 - 11 класс укучылары Егор Абалымов, Дарья Егорова, Анна Колесова, Светлана Владимирова, Надежда Ляплина һәм Игорь Синицин керде. Читтән торып үткәрелгән турны уңышлы үтеп чыкканнан соң, аларны Зәй балалар иҗат йортында үткәрелгән турга чакырдылар. Йомгакалау турының өч этабында алар визит карточкасын күрсәттеләр, интеллектуаль уенда катнаштылар һәм космос белән астрономиягә бәйле макетны якладылар. Көндәшләре Түбән Кама, Яр Чаллы, Нурлат мәктәпләреннән көчле командалар булса да, укучылар югалып калмадылар.

Җиңүчеләргә диплом, кубок һәм торт, моннан тыш һәр катнашучыга махсус сертификат тапшырылды.

Конкурс Космонавтика елы уңаеннан оештырылды. Никольск командасының уңышында команда җитәкчесе Валентина Авдонина, мәктәпнең башка укытучыларының да өлеше бар.