Спас районы мәгариф бүлеге җитәкчесе сайлауга оныгын да алып килгән

Спас районы мәгариф бүлеге җитәкчесе Александр Ермилин гаиләсе 2545нче участокта тавыш бирде. Ермилиннар барысы бергә җыелып килгән. Александр Николаевич сайлауга әле кичә генә 1 ай тулган оныгы Сашаны да күтәреп килгән иде.
 

–Күп еллардан бирле сайлауларга бөтен гаиләбез белән җыелып барабыз, – диде Александр Николаевич. – Оныгыбызны да алып килдек әле, сабый чагыннан ук күреп һәм белеп үссен. Без тотрыклы киләчәк һәм мәгариф тармагының үсеше өчен тавыш бирдек. Оныгыбыз үсеп килә, ул әйбәт илдә яшәсен иде, дип телибез.