Яңа тормыш
  • Рус Тат
  • Россиядә машиналарга техник карау үткәрүдән баш тартырга мөмкиннәр

    Бу хакта закон проекты Дәүләт Думасы каравына кертелде.

    Машиналарга техник карау үткәрүнең бары тик формальлек кенә булуын күпләр яхшы аңлый. 

    Техник карауны гамәлдән чыгару идеясе белән июнь аенда ук РФ ЮХИДИ башлыгы Михаил Чернов чыгыш ясаган иде. Инициативаны "Гадел Россия" хуплады, ә 14 сентябрьдә "Бердәм Россия" аны Дәүләт Думасына карауга кертте.

    Иинициатива нигезендә шәхси затларга карый һәм бизнеста файдаланылмый торган җиңел машиналар һәм мотоцикллар (ягъни такси, хезмәт автомобильләре һәм башкалар бу категориягә керми) өчен техник тикшерүне гамәлдән чыгарырга тәкъдим ителә.

    Әмма кайбер чыгармалар да бар. Әгәр транспорт чарасының яше 4 елдан артык булса, исәпкә куйганда, сатып алу-сату, төп компонентны алыштырганда һәм конструкцияне үзгәрткәндә техник карауны барыбер узарга туры киләчәк. Башка очракларда аны үтү кирәк түгел.

    Техосмотрны гамәлдән чыгару турындагы закон Дәүләт Думасы тарафыннан каралып, Федерация Советы хуплаганнан соң һәм РФ Президенты кул куйганнан соң кабул ителер дип көтелә.

    ФОТО

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: