Җитди сөйләшү булды

Кунаклар балалар һәм яшүсмерләр арасында үз-үзенә кул салу очракларына профилактика ясау тармагында эшне оештыру буенча фикер алыштылар. Үзенең чыгышында педагог-психолог Елена Балханова, табиб-педиатр Людмила Ермилова, мәгълүмат-методика үзәге методисты Маргарита Маркова, балигъ булмаганнар эше һәм аларның хокукларын яклау буенча комиссиянең җаваплы секретаре Тамара Камаева һәм башкалар бу проблеманың иң мөһим якларын яктырттылар. Мәсәлән, сүз балаларның ял итүен камилләштерү, мәктәп коллективларында уңай микроклимат тудыру һәм башка мәсьәләләр турында барды. Киңәшмә барышында бу юнәлештә башкарылачак эшләр буенча методик тәкъдимнәр бирелде.