Яңа тормыш
  • Рус Тат
  • Эш визиты белән

    Узган атна азагында Болгар дәүләт тарих-архитектура тыюлыгына чираттагы эш визиты белән Татарстан Республикасы Дәүләт киңәшчесе Минтимер Шәймиев килде. Әлеге сәфәрнең максаты - "Татарстанның мәдәни мирасы: борынгы Болгар шәһәре һәм Зөя утрау-шәһәре" проекты кысаларында башланган төзелеш, археология, торгызу һәм реставрация эшләренең барышы белән танышу. Минтимер Шәймиев күптән түгел табылган мунча урынын,...

    Узган атна азагында Болгар дәүләт тарих-архитектура тыюлыгына чираттагы эш визиты белән Татарстан Республикасы Дәүләт киңәшчесе Минтимер Шәймиев килде.
    Әлеге сәфәрнең максаты - "Татарстанның мәдәни мирасы: борынгы Болгар шәһәре һәм Зөя утрау-шәһәре" проекты кысаларында башланган төзелеш, археология, торгызу һәм реставрация эшләренең барышы белән танышу. Минтимер Шәймиев күптән түгел табылган мунча урынын, борынгы Болгар цивилизациясе музее белән берләштерелгән елга вокзалы бинасын, Болгарда Ислам дине кабул итү хөрмәтенә төзелгән Истәлек билгесен һәм Хан сараен игътибар белән карады. Кайбер мөһим мәсьәләләр тикшерелде һәм аларга ачыклык кертелде. Аерым алганда, һәйкәлләрне консервацияләгәндә, вокзалның беренче катында күренекле мәгърифәтче һәм шагыйрь Кол Гали скульптурасын урнаштырганда тиешле таләпләрнең төгәл үтәлергә кирәклегенә басым ясалды.
    Һөнәрчеләр остаханәсе һәм Лекарь йорты биналарын да игътибар белән карадылар.
    Дәүләт киңәшчесен ТР Президенты ярдәмчесе Татьяна Ларионова, мәдәният министры Айрат Сибагатуллин, район башлыгы Камил Нугаев озатып йөрделәр.

    Иң мөһим һәм кызыклы язмаларны Татмедиа Telegram-каналында укыгыз


    Теги: визит
    Нравится
    Поделиться:
    Реклама
    Комментарии (0)
    Осталось символов: