Реклама
Яңалыклар
Болгарда «Автоледи-2022» конкурсы узачак
Бәйгедә теләге булган һәр кеше катнаша ала.
8 июльдә 9.00 сәгатьтә Болгарда җирле ДОСААФ территориясендә «Автоледи-2022» республика конкурсының район этабы узачак.
Конкурста катнашу өчен 8 июльгә кадәр ТР Спас районы буенча ЮХИДИ бүлегенә гариза һәм кирәкле документларны (паспорт, СНИЛС, ИНН) тапшырырга кирәк. Бүлек адресы: Болгар шәһәре, Ленин урамы, 85 йорт, элемтә өчен телефон: 8 (84347) 3-08-22.
Катнашучыларга таләпләр:
"В" категорияле машина йөртү таныклыгы,
автомобиль,
Спас районында теркәлгән булу.
Конкурс, узган еллардагы кебек үк, үз эченә ике төп этапны ала: теоретик (катнашучыларга компьютер тестын узарга һәм юл йөрү кагыйдәләре буенча 20 сорауга җавап бирергә туры киләчәк) һәм гамәли (конкурсантлар автомәйданда машина йөртү күнекмәләрен күрсәтәчәкләр).
Номинацияләрдә призерларны кызыксындыру бүләкләре көтә, ә җиңүче Чистайда узган «Автоледи-2022» зона этабында Спас районы данын яклаячак.
Фото: газета архивыннан.
Следите за самым важным и интересным в Telegram-каналеТатмедиа
Безнең социаль челтәрләр:
ВКонтакте Одноклассники Telegram
Реклама бүлеге телефоны 8(843)47-30-0-02.
Нет комментариев