Яңа тормыш
  • Рус Тат
  • Болгарда психик авыру өлкән яшьтәге әнисен үтергән

    Фаҗига Хирург Шеронов урамындагы күп фатирлы йорттагы фатирларның берсендә булган.

    Болгар шәһәрендәге йортларның берсендә муенында яра эзләре булган 82 яшьлек хатын-кыз мәете табылган.

    Фатирда яшәгән ир-ат очлы әйбер белән әнисенә берничә тапкыр китереп кадаган, бу исә өлкән яшьтәге хатын-кызның үлеменә китергән. Бу хәл турында полициягә күршедә яшәүче бер хатын хәбәр иткән. Ул кычкырган тавышлар ишетеп шикләнеп кергән булган. Әмма ярдәм итәргә инде өлгермәгән. Җинаять кылуда шикләнеп мәрхүмәнең 54 яшьлек улын тоткарлаганнар.

    Ир-ат гаебен танып, күрсәтмәләр биргән һәм әнисен бритва ярдәмендә үтерүе турында әйткән. Алдан ачыкланганча, җинаять кылуга ир-атның психик авыруы сәбәп булырга мөмкин.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: