Булачак дин белгечләре ил тормышында шәхси катнашуның мөһимлеген билгеләп үтте.
Тавыш бирү көннәрендә Болгар ислам академиясе студентлары Болгардагы сайлау участогына килде. Студентлар актив гражданлык позициясе үрнәге күрсәтте.
Яшьләр өчен сайлаулар – бюллетеньдәге «тамга» гына түгел. Бу – аңлы адым һәм Россиянең киләчәгенә шәхсән йогынты ясау, җәмгыять үсешенә үз өлешеңне кертү мөмкинлеге.
Академия студентлары дингә ышану үз илеңә мәхәббәт һәм кешеләр турында кайгырту белән аерылгысыз бәйле икәнлегенә ышана.
– Тавыш бирү – һәр аңлы гражданинның бурычы. Исламда Ватанга мәхәббәт һәм уртак игелеккә омтылыш иң мөһим кыйммәтләр дип санала, – дип фикерләре белән уртаклаша студентлар. – Безнең өчен бары тик дин белеме традицияләрен саклаучылар гына түгел, ә җәмгыятебез тормышында актив, битараф булмаган катнашучылар булу да мөһим.
Сайлауларда катнашу хәзерге заман дини эшлеклеләре – социаль яктан җаваплы кешеләр икәнлеген тагын бер тапкыр раслый. Алар ил иминлеге, аның икътисады һәм мәдәнияте һәрберебезнең битараф булмавына һәм шәхси өлешенә бәйле икәнен аңлый.
Нет комментариев