Болгар “Волна”сы футболчылары республика Кубогы финалында катнаштылар

Буа шәһәренең “Яшьлек” спорт комлексында 2011-2012 елда туган юниорлар арасында мини-футбол буенча Татарстан Республикасы Кубогының финал ярышлары узды. Ярышларда республика район һәм шәһәрләреннән унике команда катнашты.

Командалар төркемнәр буенча көч сынашты. Безнең “Волна”га “Буа-2” һәм “Минзәлә” командалары белән уйнарга туры килде.

Нәтиҗәдә “Волна” бәйгенең ярымфиналына чыгып, өченче урынны алды. Аларга диплом тапшырылды.