Спас районы башлыгы ялга кайткан хәрбиләр белән очрашты

Спас районы башлыгы Фәргат Мөхәммәтов хәрби операция барган зонадан кыска вакытлы ялга кайткан хәрбиләр белән очрашты. Алар арасында "Тимер" батальоны хәрбие, Росгвардия һәм мобилизация кысаларында хезмәткә алынган хәрбиләр бар иде.

Сәгатьтән артык дәвам иткән очрашуда барлык әһәмиятле сораулар каралды. Егетләр хәрби операция зонасында хезмәтләре, хезмәттәшләре турында сөйләделәр, сорауларын бирделәр.

Шулай ук очрашуда хәрбиләрнең гаиләләренә ярдәм итү турында сүз барды.