Чын тимурчылар...

Без, Кузнечиха халкы, бу көн алдыннан һәйкәл янындагы күркәм үзгәрешләрне күреп гаҗәпләндек. Һәйкәл тирәсендәге мәйданны үләннән чистартканнар, һәйкәлне бизәгәннәр, рәшәткәгә Георгий тасмаларын беркеткәннәр. Ә моны олылар әйтүен дә көтеп тормыйча, үз инициативалары буенча каникулда безнең авылдагы әби-бабайларында ял итүче балалар эшләгән. Казаннан алтынчы класс укучысы Данил Рукавишников һәм Болгар белән Нурлаттан өченче класс укучылары Илья Еланин, Кирилл Бутулин моны эшләп кенә калмыйча, "Суар" музее янындагы үләннәрне җыярга да ярдәм иттеләр. Бу малайлар чын мәгънәсендә файдалы ял итәләр, тырышлыклары, тимурчылар эшен башкарулары өчен мактауга лаек.