Болгар гаиләләре ГТО тапшырдылар

Болгар шәһәренең балаларны укыту-сәламәтләндерү үзәгендә ГТО Гаилә Бөтенроссия физкультура-спорт комплексының муниципаль этаб узды.

Ярышларда катнашучыларны районның яшьләр эше, спорт һәм туризм бүлеге җитәкчесе Әхтәм Вәлиәхмәтов сәламләде һәм бәйгедә уңышлар теләде.

Ярышка йомгак ясалгач, беренче урынга – Демьяновлар, икенче урынга Хаврониннар гаиләсе чыкты. Иске Рәҗәптән Сергейчевлар гаиләсе өченче булды.

Җиңүче гаиләгә – кубок белән медаль, призерларга медаль һәм дипломнар тапшырылды. Җиңеп чыккан гаилә район данын Казан шәһәрендә республика этабында яклаячак.