Эстафетада иң өлгерләр җиңде

Быел эстафета шәһәр спартакиадасында катнашучылар өчен ярышларның соңгысы булды. Өч команда - муниципаль төзүчеләр, ЦРБ-МЧС һәм мәгариф бүлеге командалары бер үк күләмдә очко җыйдылар һәм шуңа күрә барысын да эстафета хәл итәргә тиеш иде. Мәгариф бүлегенең көчле командасы башта ук лидерлыкны үз кулларына алды һәм финишка килеп җиткәнче ычкындырмады. Команда составында Ольга Васянина, Андрей Иванов, Наталья Бердникова, Юрий Селиванов, Светлана Турацкова, Александр Ермилин, Елена Стряпкина һәм Дмитрий Соколовлар бар иде. Бу команда гомуми зачетта спартакиаданың җиңүчесе булды һәм Сабантуй бәйрәме вактында аңа 150 мең сумлык сертификат тапшырылачак.

Муниципаль төзүчеләр командасы да бары тик мактауга лаек. Беренче тапкыр Федор Камаев тарафыннан оештырылган команда спортның барлык төрләрендә яхшы нәтиҗәләр күрсәтте. Эстафета барышында Луса Әхмәдышева, Елена Вәлиуллина, Валентина Емелина, Эльвира Сафиуллина, Рәмис Әхмәтвәлиев, Александр Кипров, Алексей Карьков һәм Васил Шаһисламов мәгариф бүлеге спортчыларыннан азга гына калыштылар. Нәтиҗәдә алар көмеш медаль яуладылар һәм командага 100 мең сумлык сертификат тапшырылачак.

Ә өченче урында берләштерелгән ЦРБ-МЧС командасы. Алар баш табиб Егор Самохвалов җитәкчелегендә байтак вакыт алда бардылар, бу спортчыларга 50 мең сумлык сертификат тапшырылачак.

Укучылар арасындагы эстафета да мавыктыргыч булды: стартка унике уку йорты командасы чыкты. Монда икенче урта мәктәп командасы барысына караганда да уңышлырак чыгыш ясады. Физкультура укытучылары Валерий Наумов һәм Андрей Шишкин укучылары Дарья Бердникова, Рузил Гафуров, Елена Уфимцева, Игорь Бондарев, Дарья Садилина, Игорь Емельяновский, Валерия Кирюшина һәм Эдуард Малыгин үзләренең көндәшләрен ышанычлы җиңделәр. Антоновка мәктәбе укучылары финишка - икенче, Иске Рәҗәп мәктәбе командасы өченче булып килде.

Бүләкләү вакытында Игорь Бондаревка чаңгы спорты буенча мастерлыкка кандидат таныклыгы тапшырылды.