Яңа тормыш
  • Рус Тат
  • Көчле салкыннарда мәктәпләр ничек эшли

    Көчле салкыннарда нинди температурада республика мәктәпләрендә дәресләр булмый, бу хакта искә төшерү артык булмас (Евгения Чеснокова, "РТ").

    Республика Мәгариф һәм фән министрлыгында хәбәр иткәнчә, авылларда башлангыч класс (1-4) укучылары температура - 23 градуска җитсә мәктәпкә бармыйлар. 25 градуста шәһәрләрдәге башлангычларда һәм авыл мәктәпләренең 5-9 классларында укулар булмый. 27 градус салкында шәһәрдәге 5-9 класслар укымый. Температура минус 30 һәм 32 градуска җитсә, авыл һәм шәһәр мәктәпләренең 10-11 классларында укулар туктатыла. Министрлыкта шулай ук кыш көне җилнең тизлеге 10 метрдан артса, ачык һавада физкультура дәресләре үткәрергә ярамавын искә төшерәләр. Ә җилнең тизлеге кимрәк булса һәм җилсез көннәрдә дәресләр һава температурасына һәм укучыларның яшенә карап үткәрелә - моның тиешле таблицасы http://mon.tatarstan.ru/ сайтында китерелгән.

    Тагын бер нәрсә: министрлыкта температура - 25 градус һәм аннан да түбән булганда балалар белән мәктәп автобусларын муниципаль берәмлекләрдән читкә чыгарырга ярамавын искә төшерәләр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: