Яңа тормыш
  • Рус Тат
  • Әниләргә – чәчәкләр, җырлар

    Шушы көннәрдә генә "Болгар" кафесының иркен залында районның иң яхшы әниләрен бәйрәм белән котладылар.

    Әниләр көненә багышланган мондый очрашулар инде күркәм традициягә керде һәм ул район башлыгы Камил Нугаев инициативасы һәм турыдан-туры катнашуы белән үткәрелә. Бәйрәмдә шулай ук социаль мәсьәләләр буенча ТР Президенты ярдәмчесе Татьяна Ларионова, предприятие һәм оешма җитәкчеләре катнашты.
    Залга җыелган хөрмәтле әниләрне котлап, Камил Әсгат улы Пәйгамбәребезнең: "Җәннәт-аналарның аяк астында",-дигән сүзләрен китерде. Бу сүзләрне белмәгән кеше юктыр. Тормышта әниләрдән кадерле, газиз, якын бер кеше дә юк.
    Бәйрәмдә әниләр турында искиткеч җылы сүзләр әйтелде, күңел түреннән чыккан теләкләр теләделәр. Кунак булып килүчеләр арасында быел игезәк бала алып кайткан әниләр дә, сәләтле балаларның әниләре дә, хәзерге вакытта армиядә хезмәт итүчеләрнең әниләре дә, күп бала тәрбияләүче әниләр дә бар иде. Аларга багышлап җырлар яңгырады, чәчәкләр бүләк иттеләр.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: