Мондый очрашулар киләчәктә дә үткәреләчәк

Аның янына керү өчен 11 кеше язылган иде. Халыкны төрле мәсьәләләр кызыксындырды. Аерым алганда,кешеләрне иске һәм авария хәлендәге йортлардан күчерү, биналарны хосусыйлаштыру, йорт янындагы территорияләрдән файдалану, җир участокларын межалау, җирләрдән файдалану, хезмәт килешүләре һәм башкалар. Кешеләр үзләрен кызыксындырган барлык сорауларга төпле җаваплар алдылар. Кайбер сораулар аерым контрольгә алынды һәм тикшергәннән соң, аларга соңрак җавап биреләчәк.

Кешеләрне кабул итәр алдыннан Сәрия Сабурская махсус комиссия белән бәхәсле сораулар килеп туган шәһәрнең кайбер объектларын карады.

Район башкарма комитеты җитәкчесе Валерий Осокин, Болгар шәһәре башкарма комитеты җитәкчесе Алексей Тюленев, кеше хокуклары буенча безнең районда уполномоченныйның җәмәгать ярдәмчесе Янина Дремуха һәм башка җаваплы затлар халыкны кабул итүгә булыштылар.

Мондый очрашуларны киләчәктә дә үткәрү планлаштырыла.