Татарстанда мәктәп формасына таләпләр яңартылды

Татарстанда мәктәп формасына таләпләрне яңарттылар. Хәзер укучылар салкын көннәрдә мәктәпкә җылы джемпер, свитер һәм пуловер киеп килә ала. Төп таләп – алар ачык төстә булмаска тиеш. Карарга Татарстан Премьер-министры Алексей Песошин кул куйган. Бу хакта Татар-информ агентлыгы хәбәр итә.

Моннан тыш, укучыларга мәктәпкә буй-буй һәм шакмаклы киемнән йөрергә рөхсәт ителә.

Укучылар киемнәренең фасонын һәм төсен хәзер мәгариф оешмасының норматив актлары билгеләячәк, диелгән карарда.