Истә калырлык булды

Без, Иске Рәҗәп мәктәбенең 1,3,4,10 класс укучылары Казанга Галиәсгар Камал исемендәге Татар дәүләт академия театрына "Кечтүкле уен" исемле театраль тамаша карарга бардык. Театр алдыннан без педагогия фәннәре докторы, профессор, Россиянең һәм Татарстанның атказанган укытучысы, Татарстанның атказанган фән эшлеклесе, Татарстан Республикасының Каюм Насыйри, Муса Җәлил, Дамир Сираҗиев исемендәге премияләре лауреаты Әнвәр Нуриәхмәт улы Хуҗиәхмәтов белән очраштык. Ул укучыларга Казан федераль университеты оештырган "Истәлекле һәм гүзәл туган ягым" интеллектуаль конкурсында катнашып призлы урыннарга лаек булган Ислам Гатауллин, Мәликә Моратова, Булат Гәрәев, Чулпан Галимова, Рузилә Габделбәрова, Алсу Гәрәева, Кадрия Гәрәева, Динә Җамалиева, Рузилә Заһитова, Илвина Заһитова, Марсель Әхмәтшинга Мактау грамоталары һәм истәлекле бүләкләр тапшырды.