Иң яхшы театр – санаторий мәктәбендә

Конкурс "Татарстан Республикасы укучыларына белем бирү һәм сәламәтлеген саклау" программасын тормышка ашыру кысаларында, укучыларны физкультура һәм спорт чаралары ярдәмендә сәламәт яшәү рәвешенә җәлеп итү һәм Олимпия хәрәкәте тарихын өйрәнү максатында үткәрелә. Конкурста ун мәктәп коллективы катнашты. Беренче урынны санаторий мәктәп-интернат театры алды, икенче урынны беренче һәм икенче мәктәп коллективлары бүлеште, өченче урынга Чәчәкле мәктәбе театры чыкты. Аларның барысына да - мәгариф бүлеге Мактау грамоталары, катнашучыларга дипломнар тапшырылды.

Җиңүчеләр үзләренең җитәкчеләре Сергей Журавлев белән Ирина Захарова ярдәме белән зона этабына чыгыш ясаячак.