ЮХИДИ хезмәткәрләре Иске Рәҗәп балалар бакчасында булдылар

Шушы көннәрдә Спас ЮХИДИ бүлеге инспекторы Герман Харламов, юл хәрәкәте иминлегенең Әлки бүлеге җитәкчесе Ләйсән Вәлиәхмәтова һәм Спас районы ЮХИДИ бүлеге хезмәткәре Ирина Баринова Иске Рәҗәп балалар бакчасына килеп, анда йөрүче нәниләр белән очрашу оештырдылар.

ЮХИДИ хезмәткәрләре балаларга юл йөрү кагыйдәләре турында аңлаттылар. Аннары кунаклар балалар белән бергәләшеп “Сакла” порталында юл кагыйдәләре турында мультфильм карадылар.

Ахырда ЮХИДИ хезмәткәрләре нәниләргә яктылык чагылдыручы элементлар, ә балалар бакчасына журналлар бүләк иттеләр.