Сайлаулар көнендә Ржавецта яшәүче хезмәт ветеранын котладылар

Приволжск авыл җирлеге башлыгы Сергей Спирин сайлау көнендә юбилярны гомер бәйрәме белән котларга килде.
 

–Элек сайлаулар зур бәйрәм кебек уза иде, – ди Александра Григорьевна. – Күршеләр, урамыбызда яшәүчеләр белән җыелып бардык. Хәзер менә өйдә дә тавыш бирергә була.
 

Юбилярга Россия Президенты Владимир Путинның котлау открыткасын һәм бүләкләр тапшырдылар. Сергей Геннадьевич Александра Григорьевнага саулык, җан тынычлыгы, имин тормышта яшәвен теләде.