Яңа тормыш
  • Рус Тат
  • «Халык контроле» ярдәм итәр

    Район территория-сендә этил спирты, алкогольле һәм составында спирт булган продукцияне законсыз җитештерү һәм сату очраклары турында электрон рәвештә «Халык контроле» порталына хәбәр итәргә була.

    Хәбәр җибәрү өчен дәүләт һәм муниципаль хезмәтләр порталында теркәлергә кирәк. Аннары «Халык контроле» бүлегенә керергә. Хәбәрләрне түбәндәге төрләр буенча җибәрергә мөмкин: «Сәүдә кагыйдәләрен бозу», «Этил спирты, алкогольле һәм составында спирт булган продукция җитештерү һәм (яки) сату», «Җәмәгать туклануы». Хәбәр килеп ирешкәннән соң вәкаләтле затлар закон бозу очракларының дөрес булу-булмавын тикшерәчәк.
    Законсыз рәвештә алкоголь продукциясе җитештерү яки сатуның һәр факты расланган очракта, хәбәр авторына материаль бүләкләү чарасы каралган. Аның суммасы 1 мең сумнан 3 мең сумга кадәр җитәргә тиеш.
    «Халык контроле»нә хәбәр итеп, сез кешеләр сәламәтлеге һәм гомеренә зыян китерә торган ялган продукция таралуга чик куя аласыз.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: