Каникулда акча эшлиләр

14 яшьтән 18 яшькәчә яшүсмерләр унсигез көн дәвамында берәр сәгать мәктәп яны участогында эшлиләр. Алар инде суган җыеп алырга өлгергәннәр. Укучылар хәлдән килгән башка эшләрне дә башкара. 

– Балигъ булмаганнарны вакытлыча эшкә урнаштыру – аларга җәйге каникул вакытында укудан бушаган арада эшләп алырга мөмкинлек бирү, – дип аңлата мәгариф бүлеге җитәкчесе урынбасары Елена Солодянкина. – Ел саен бу программада шәһәр һәм районнан өч мәктәп катнаша. Быел Болгардагы 1нче мәктәптә – 25 укучыга, Иске Рәҗәп мәктәбендә 10 яшүсмергә акча эшләп алырга мөмкинлек бирелде.

Эш көннәре тәмамлангач, яшүсмерләргә минималь хезмәт хакы исәбеннән акча түләргә тиешләр.