“Для Вас” кафесы җиңде

автор, 26 июнь 2015 - 05:10

706

Икенче ел рәттән җәмәгать туклануы предприятиеләре арасында уздырылучы "Татарстан Республикасы территориясендә яшәүче халыкларның милли кухнясы көне" конкурсында "Для Вас" кафесы җиңүче булды. Комиссия конкурска йомгак ясаганда ризыкның сыйфатына, хезмәт күрсәтү культурасына, залның бизәлешенә, музыкага, хәйрия акцияләренең ничек оештырылуына һәм башка сыйфатларга зур игътибар бирде. Жюри фикеренчә, "Для Вас" кафесы башка...

Комиссия конкурска йомгак ясаганда ризыкның сыйфатына, хезмәт күрсәтү культурасына, залның бизәлешенә, музыкага, хәйрия акцияләренең ничек оештырылуына һәм башка сыйфатларга зур игътибар бирде. Жюри фикеренчә, "Для Вас" кафесы башка конкурсантларга караганда, тиешле шартларның барысын да төгәл үтәргә тырышкан.

- Бу конкурс җәмәгать туклануы тармагында эшләүчеләргә үзенә күрә бер этәргеч бирә, аларның күңелен рухландыра, - ди кафе хуҗасы Ольга Абрамова. - Конкурска әзерләгән ризыкларның кайберләрен хәзер кафега килүчеләргә тәкъдим итә башладык. Киләсе ел конкурсында нәрсәләр белән гаҗәпләндерү турында да уйлыйбыз. Конкурсны оештыручыларның барысына да зур рәхмәт!

Конкурсны Татарстан Республикасы Сәүдә һәм промышленность министрлыгы оештырды. Конкурста катнашучыларның барысына да бүләкләр тапшырылды.