Болгар мәктәбе укучыларына беренче медицина ярдәмен күрсәтергә өйрәттеләр

Болгардагы икенче мәктәп укучыларын беренче медицина ярдәмен күрсәтергә өйрәттеләр. Дәресне Спас район үзәк хастаханәсе табиб-педиатры Иван Ковалёв үткәрде.

7-11 класс укучыларына кешенең тамагына ризык тыгылган, өшегән яки пешкән очракта нишләргә кирәклеген аңлаттылар. Укучылар исә игътибар белән тыңлап, табибка сорауларын бирделәр.

Дәрес ахырында табиб барысына да сәламәтлекне сакларга, җаваплырак булырга киңәш бирде.