Спас районыннан сигез егет армиягә китте

Тиздән Спас районыннан сигез егет Россия Кораллы Көчләр сафларын тулыландырачак.

Кичә Болгарның хәрби учет бүлегеннән көзге чакырылыш егетләрен озатып җибәрделәр.

Болгар шәһәр башкарма комитеты җитәкчесе урынбасары Илһам Кузнецов, яшьләр эше, спорт һәм туризм бүлеге җитәкчесе Әхтәм Вәлиәхмәтов аларга исән-имин хезмәт итеп, туган якларына әйләнеп кайтуларын теләделәр.

Егетләргә шулай ук истәлеккә бүләкләр тапшырылды.