Спас районы диңгезчеләре Хәрби Диңгез флоты көнен билгеләп үттеләр

Бу көнне иртән Болгар шәһәрендәге диңгезчеләргә Истәлек билгесе янында төрле елларда Россия һәм СССР Хәрби Диңгез Флотында хезмәт иткән кешеләр җыелды.

Диңгез тематикасына яңгыраган җырлар бирегә бик күп шәһәр халкын һәм шәһәр кунакларын җәлеп итте Барысы да бәйрәмгә бик теләп кушылдылар һәм диңгезчеләрне чын күңелдән котладылар.

Диңгезчеләрне район Башкарма комитет җитәкчесенең социаль мәсьәләләр буенча урынбасары Евгений Савинов котлады. Үзе һәм район җитәкчелеге имеменнән ул барысына да исәнлек-саулык, озын гомер һәм аяз күк йөзе теләде.

Шуннан соң Евгений Викторович корабльнең өлкән старшинасы Илшат Галәветдиновны «Төньяк флотта хезмәт итү истәлегенә» медале, 1нче статья старшинасы Владимир Фроловны «Су асты көчләрендә хезмәт иткән өчен» медале, Балтия флотының диңгез пехотасы сержанты Андрей Новиковны «336нчы аерым гвардия Белосток бригадасы» медале, 2нче статья старшинасы Рафис Әхмәтҗановны «Аврора крейсерына 120 ел» медале белән бүләкләде.

Вафат булган һәм батырларча һәлак булган диңгезчеләрне дә искә төшерделәр. Алар истәлегенә бер минут тынлык игълан ителде.

Традиция буенча, тантналы өлештән соң диңгезчеләр колннасы Хәрби Диңгез флоты флаглары белән шәһәр урамнары буйлап уздылар һәм флот ветераннары янына бардылар. Алар арасында – 2 ранг капитаны Вениамин Федорецның тол хатыны Нина Ефимова һәм отставкадагы капитан-лейтенант Гамир Кадыйров. Күрсәтелгән игътибардан алар бик дулкынландылар.

Аннан соң диңгезчеләр сугыш елларында һәлак булган якташларыбыз һәйкәленә веноклар куйдылар һәм шәһәр зиратына бардылар.

Соңыннан барасы бергәләшеп Полянкага, "Маршал Шапошников" зур көймәләргә каршы корабльдә хәрби бурычын үтәгәндә һәлак булган Василий Борисов каберенә барды. Сүз уңаеннан, Василий Борисов бабасы – Кара диңгездә хезмәт иткән диңгезче белән янәшә җирләнгән.

Биредә алар геройның әнисе Валентина Федоровна белән аралаштылар.