Яңа тормыш
  • Рус Тат
  • Алдынгы комбайнчыларга бүләкләр тапшырылды

    Узган атна азагында район җитәкчелеге басуда урып-җыю эшләрендә катнашучылар янында булып, иң яхшы нәтиҗәләргә ирешүчеләргә бүләкләр тапшырды. Көнне төнгә ялгап эшләүче игенчеләрнең бераз гына ял итеп алырга тукталуыннан файдаланып, район башлыгы Камил Нугаев "Мега-370" комбайны белән 1998 тонна бөртек суктырган Илһам Шәфигуллинны ("Авангард" җәмгыяте) һәм "Дон -1500 Б" комбайны бункерыннан...

    Узган атна азагында район җитәкчелеге басуда урып-җыю эшләрендә катнашучылар янында булып, иң яхшы нәтиҗәләргә ирешүчеләргә бүләкләр тапшырды.
    Көнне төнгә ялгап эшләүче игенчеләрнең бераз гына ял итеп алырга тукталуыннан файдаланып, район башлыгы Камил Нугаев "Мега-370" комбайны белән 1998 тонна бөртек суктырган Илһам Шәфигуллинны ("Авангард" җәмгыяте) һәм "Дон -1500 Б" комбайны бункерыннан 1795 тонна ашлык бушаткан Талип Әхмәтвәлиевны (Александр Планин крестьян (фермер) хуҗалыгы) ирешкән нәтиҗәләре белән котлап, намуслы һәм тырыш хезмәтләре өчен рәхмәт әйтте. Аларга Рәхмәт хатлары һәм кыйммәтле бүләкләр тапшырылды. "Авангард" җәмгыяте фирмасы җитәкчесе Владимир Швецов үз хуҗалыгының алдынгы комбайнчыларына акчалата премияләр тапшырды.
    - Көннәрнең кызу булуына карамастан, сез әйбәт нәтиҗәләргә ирешеп, башкаларга үрнәк күрсәтәсез, - дип билгеләп үтте игенчеләргә мөрәҗәгать итеп Камил Нугаев. - Моның өчен рәхмәт сезгә!
    Авыл хуҗалыгы һәм азык-төлек идарәсе җитәкчесе Рәфис Мөхәммәтов тырышып эшләүче игенчеләрне хөрмәтләү максаты белән Юрий Семушкин крестьян (фермер) хуҗалыгында һәм "ВЗП "Булгар" җәмгыяте басуларында булып кайтты.
    Биредә хезмәт куючы игенчеләрдән "Дон-1500Б" комбайнында 1650 тонна ашлык суктырган Александр Никифоровка һәм "Лексикон-1500" комбайны бункерыннан ындыр табагына 1500 тонна бөртек суктырып озаткан Илдар Гатауллинга Рәхмәт хатлары һәм бүләкләр тапшырылды.
    Ял итеп хәл җыеп алганнан соң, игенчеләр яңадан кыр кораблары штурвалы артына утырды. Басуларда иртәдән кичкә кадәр хезмәт киеренкелеге кимеп тормый. Урып-җыю дәвам итә, механизаторлар вакытның кадерен белеп эшли.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: