Болгарның беренче мәктәбе командасы Казанда КВН фестивалендә чыгыш ясаячак

Болгарда «Әйдә ШаяРТ» Татар КВН лигасының сайлап алу этабы узды. Ике көн дәвамында юмористлар үзләренең осталыкларын камилләштерделәр һәм Казандагы фестивальдә үз шәһәрләрен тәкъдим итү хокукы өчен көрәштеләр.

Уенда өч команда – «Өчпочмак» (беренче мәктәп), «Зебры» (икенче мәктәп) һәм Спас тармак технологияләре техникумының «Еноты» командасы катнашты.

Киеренке көрәш нәтиҗәләре буенча Болгарның 1нче мәктәбеннән «Өчпочмак» командасы җиңү яулады. Бу команда Казанда узачак фестивальдә безнең район исеменнән чыгыш ясаячак.