Хәбәрләр ялган булса…

Класс җитәкчеләре укучылар белән телефон аша террорчылык очраклары, аның нинди нәтиҗәләргә китерергә мөмкинлеге турында әңгәмәләр уздырдылар. Нинди дә булса урында шартлаткыч куелуы турында ялган хәбәр җибәрүче яшүсмерләр бу хакта беркем дә белмәс, дип ялгышалар. Чөнки хәзерге вакытта хокук саклау органнары заманча җайланмалар ярдәмендә теләсә кайсы шылтыратуның нинди номердан булуын һәм бу телефонның хуҗасы кем икәнен санаулы минутлар эчендә билгели ала. Укучыларны шулай ук җәмәгать тәртибен бозучы бу җинаятьнең нинди куркыныч булуы турында тагын бер тапкыр кисәттеләр. Әңгәмә барышында террорчылыкны кисәтү буенча видеоязмалар күрсәтелде.