Болгарның икенче мәктәбе туган телләр айлыгына кушылды

Болгар шәһәренең икенче мәктәбе туган телләр айлыгына актив кушылды. Мәсәлән, беренче А сыйныфында "Белем шатлыгы – сүздә" дигән дәрес узды. Балалар сөйләмнең нәрсәдән гыйбарәт икәнлеге, җөмләләрне ничек дөрес төзү, ничек матур итеп сөйләшү турында сорауларга җавап бирделәр.

Укытучы балаларга планетабызда берьюлы 2000 тел һәм диалект булуын сөйләде. Россиядә генә дә кешеләр 100гә якын телдә сөйләшә.

Алтынчы сыйныфта «Тамчы-шоу» чарасы узды. Укучылар «Сандугач» Һәм «Карлыгач» дип исемләнгән ике командага бүленде.

- Мондый чаралар күбрәк булсын иде. Балалар уен, конкурслар формасында бирелә торган мәгълүматны яхшырак үзләштерә. Телләр, шул исәптән рус телен дә, безнең буын ничек өйрәнә иде? Без бик күп укыдык. Укучыларда чын китап культы иде. Аларны китапханәдән чират торып алдылар, юрган астына качып, фонарь яктысында укыдылар. Ә хәзерге балаларга китаплар уку кызык түгел. Алар телефон алып, диванда ятуны өстенрәк күрә Рус телен дә рәтләп белмәгәч, нинди чит телләр инде аларга? Социаль челтәрләрдә белем юк бит, бәя генә куялар, - дип фикерләре белән уртаклашты ата-аналарның берсе.