Болгар Мәдәният йорты артистлары концлагерь тоткыны Нәкыя Хәмидуллинаны Җиңү көне белән котладылар

Район Мәдәният йорты үзешчән артистлары элеккеге концлагерь тоткыны Нәкыя Хәмидуллинаны Җиңү бәйрәме белән котладылар. Күчмә концертны алар Җиңү парадыннан соң ветеран яши торган йорт янында оештырдылар.

Шунысын да билгеләп үтәргә кирәк, мондый концертлар инде традициягә әверелде. Нәкыя апа да үзешчәннәрнең чыгышын һәр ел түземсезлек белән көтеп ала.

Бу юлы да Мәдәният йорты артистлары Михаил Баландин, Ольга Смолина, Александра Калашникова, Рамилә Исхакова, Василий Кощеев баянга сугыш чоры җырларын башкардылар. Дулкынланган Нәкыя апа күз яшьләрен тыя алмады.

Күчмә концерттан соң ветеран артистларга чын күңелдән рәхмәт әйтте.

Фоторепортаж