Татарстанда мәктәп ашханәләрен яхшырту өчен юл картасы әзерлиләр

Татарстан Республикасы Министрлар кабинетында узган матбугат конференциясендә республика мәгариф министры Илсур Хадиуллин әйтеп узганча, Татарстанда мәктәп ашханәләренең эшен яхшырту максаты белән юл картасы әзерлиләр. Азык әзерли торган блоклардагы җиһаз-җайланмалар яңартыла, вак-төяк ремонт ясала, кайбер үзгәрешләр кертелә. Әмма реконструкция уздырылмаячак. Реконструкция ясауга күп акча таләп ителә, бөтен эшләрне дә алдан ук планлаштырырга һәм килештерергә кирәк. Юл картасы булдырылгач, боларның барысы да эшләнәчәк.