Спас районы фермеры үзенең гражданлык позициясен күрсәтте

Спас районы фермеры Марат Вәлиев үзенең гражданлык позициясен күрсәтте. Ул Приволжск поселогы сайлау участогында тавыш бирде. Сайлауларга ул әнисе белән килгән. 

«Авыл хуҗалыгы тармагының үсеше өчен тавыш бирәм, чөнки үзем күп еллар сарымсак үстерү һәм сату белән шөгыльләнәм. Кырда яки фермада эшләүчеләрнең, авыл хуҗалыгын күтәрүчеләрнең тырышлыгы белән илебез икътисады үсә. Булачак Президентның авыл хуҗалыгына тагын да күбрәк игътибар бирүен, күбрәк ярдәм чаралары булуын телим», - диде Марат Рәсхәт улы.